कक्षा १२ को नतिजा आज सार्वजनिक हुँदै

न्यूज ब्यूरो |

जनकपुरधाम, १७ साउन । राष्ट्रिय परिक्षा बोर्डले कक्षा १२ को नतिजा सार्वजनिक गर्न लागेको छ । नतिजा प्रकाशनका लागि बैठक बसिरहेकाले केही समयमै प्रकाशित गरिने बोर्डले जनाएको छ ।

सबै तयारी पूरा भएकाले केही समयमै नतिजा सार्वजनिक गरिने बोर्डका कार्यकारी निर्देशक दुर्गाप्रसाद अर्यालले बताए । यो वर्ष पहिलो पटक कक्षा १२ का सबै संकायको नतिजा एकैपटक प्रकाशित गर्न लागिएको छ ।

यसअघि पहिलो चरणमा बिज्ञानको मात्रै सार्वजनिक गर्ने गरिएको थियो । यो वर्ष परीक्षामा करिब ४ लाख बिद्यार्थी सहभागी थिए ।