जनकपुर यातायात कार्यालयबाट दलाल र बिचौलिया भगाइए, सेवाग्राहीका लागि हेल्पडेस्क स्थापना

न्यूज ब्यूरो, जनकपुरधाम । जनकपुरमा रहेको यातायात कार्यालयबाट बिचौलिया र दलाललाई भगाउने भएको छ । यातायात व्यवस्था कार्यालय जनकपुरले एक सूचना जारी गर्दै कार्यालय परिसरभित्र कुनै प्रकारको बिचौलियावाजी गतिविधि नगर्न चेतावनी दिएको छ ।

सेवाग्राहीहरुको लागि हेल्पडेस्क स्थापना गरिसकेको जनाउँदै कुनै सेवाग्राहीले दलाल, बिचौलियाको प्रभावमा नपर्न आग्रह समेत गरेको छ । निमित्त कार्यालय प्रमुख चन्देश्वर साहले जारी गरेको सूचनामा कुनै सेवाग्राहीले काम छिटो, छरितो गराईदिने भनेर प्रलोभनमा नपर्न आग्रह गरेको हो ।

कार्यालयलमै नागरिक सहायता कक्ष स्थापना भईसकेको भन्दै आफ्नो पालो अनुसार काम गराउन आग्रह गरिएको छ । छ्टिो काम गराउने लोभमा दलाल, बिचौलियाको सहायता नलिन आग्रह गरेको छ ।