ओलीको समर्थन गरेकी अमिषालाई फेसबुकमा गाली गरेका रौतहट एक युवक पक्राउ, लगियो काठमान्डौँ

न्यूज ब्यूरो, रौतहट ।  सामाजिक सञ्जालमार्फत भएको साइबर बुलिङ प्रकरणमा केन्द्रीय साइबर ब्यूरो ले रौतहटबाट एक जनालाई पक्राउ गरेको छ।

रौतहटको गुजरा नगरक्षेत्रबाट अभिषेक चौधरीलाई शनिबार बिहान नियन्त्रणमा लिइएको प्रहरी स्रोतले जनाएको छ । चौधरीलाई थप अनुसन्धानका लागि काठमाडौंस्थित ब्यूरो कार्यालयमा ल्याउने तयारी भइरहेको जनाइएको छ।

यो प्रकरण अमिषा पराजुली ले दिएको उजुरीसँग सम्बन्धित रहेको प्रहरीले जनाएको छ। पराजुलीले केपी शर्मा ओली को समर्थनमा सार्वजनिक रूपमा अभिव्यक्ति दिएपछि आफूलाई सामाजिक सञ्जालमा लक्षित गर्दै साइबर बुलिङ गरिएको आरोप लगाएकी थिइन्। उनले सो सम्बन्धमा प्रमाणसहित साइबर ब्यूरोमा उजुरी दर्ता गराएकी थिइन्।

प्रहरीका अनुसार घटनाबारे थप अनुसन्धान जारी छ। आवश्यक प्रमाण संकलन गरी कानुनी प्रक्रिया अघि बढाइने जनाइएको छ।

यसअघि पूर्वप्रधानमन्त्री ओली पक्राउ परेपछि उनको रिहाइको माग गर्दै सडकमा उत्रिएकी पराजुलीलाई लक्षित गरी सामाजिक सञ्जालमा अपमानजनक तथा आक्रामक टिप्पणीहरू गरिएको आरोप रहेको छ।