जिल्ला अदालतले निकाल्यो सूचनाः अब खाजाको समयमा पनि कार्य अवरुद्ध नहुने, सेवाग्राहीले सेवा पाउने

न्यूज ब्यूरो, ललितपुर । उपत्यका क्षेत्रभित्रको ललितपुर जिल्ला अदालतले सरकारको नयाँ नियमलाई पालना गर्ने भएको छ ।

ललितपुर जिल्ला अदालतले एक सूचना जारी गर्दै अब खाजाको समयमा समेत कार्य अवरुद्ध नहुने बताएको छ । मँगलबार एक सूचना जारी गर्दै जिल्ला अदालत ललितपुरले यसअघि आईतबारदेखि बिहिबारसम्म १ः३० देखि २ः३० सम्म र शुक्रबार १ः०० देखि २ः०० बजेसम्म खाजाको समय हुँदै आएकोमा अब सो अवधीमा पनि सेवा अवरुद्ध नहुने सूचना जारी गरेको हो ।

नयाँ सरकारको सुशासनको १०० कार्ययोजनामध्ये सरकारी कर्मचारी र सरकारी कार्यालयहरुमाथि लगाइएको यो नियम जिल्ला अदालत ललितपुरले लागू गरेको हो ।

खाजाको समय भन्दै यसअघि सेवाग्राही कुरिरहने, कर्मचारी नआउने, ढिला गरी आउने, समय बित्ने जस्ता समस्या हुँदै आएकोमा निर्मूल हुने भएको छ ।