यातायात कार्यालयबाट १५ जना दलाल (बिचौलिया) पक्राउ

न्यूज ब्यूरो, जनकपुरधाम । धनुषा निर्वाचन क्षेत्र नं. १ मा निर्वाचित भएका मातृका प्रसाद यादवलाई हटाएर राष्ट्रिय स्वतन्त्र पार्टी (रास्वपा) का उम्मेदवार किशोरी साह कमललाई निर्वाचित गराइदिन प्रधानमन्त्रीलाई ज्ञापन पत्र बुझाएको छ । 

रास्वपाका कार्यकर्ताहरु तथा किशोरी साह कमलका समर्थकहरुले आज जिल्ला प्रशासन कार्यालय धनुषा पुगेर प्रमुख जिल्ला अधिकारी मार्फत प्रधानमन्त्रीलाई ज्ञापन पत्र बुझाएको हो । उनीहरुले जनमतको कदर गरी मातृका प्रसाद यादवलाई कुनै काम कारवाही गर्न नदिन माग गरेको हो । 

ज्ञापन पत्रमा निर्वाचन आयोगले बदनियतपूर्ण तवरले चुनावको दुई दिन अगाडी उम्मेदवारी खारेज गरेको आरोप लगाउँदै सो निर्णय बदर गरी किशोरी साह कमललाई धनुषा १ बाट प्रतिनीधिसभा सदस्यको रुपमा बनाउन आग्रह गरेको हो । 

कुनै अमुक दलको उक्साहट र उजुरीमा किशोरी साह कमलको उम्मेदवारी खारेज गरेको भन्दै विरोध जनाएको छ । अदालतमा त्यसपछि परेको रिटमा उनको नाम कालोसूचिबाट हटाउन अन्तरिम आदेश भएको थियो । 

यद्यपी, उम्मेदवारी खारेज गर्ने निर्णयसम्म किशोरी साह कमलको नाम कालोसूचिमै रहेको पाइएको थियो । अदालतले समेत निर्वाचन आयोगको निर्णयमा कुनै अन्तरिम आदेश नदिएपछि मातृका प्रसाद यादव धनुषा १ बाट साँसदको सपथ लिएका थिए । निर्वाचन कार्यालयले आयोगको निर्देशन बमोजिम निर्वाचित प्रमाणपत्र समेत दिएर निर्वाचित घोषित गरेको थियो । त्यसअघि घण्टीको सबै मत बदर हुने भनेर निर्णय सुनाईसकेको थियो । 

सोही सन्दर्भमा उनका समर्थकहरुले जिल्ला प्रशासन मार्फत ज्ञापन पत्र बुझाउँदै मातृकालाई हटाएर किशोरी साहको उम्मेदवारी कायमै गरी निर्वाचित प्रमाणपत्र दिन आग्रह गरिएको हो ।