आज यी पाँच ठाउँमा बर्षाको सम्भावना, केही ठाउँमा चट्याँग

न्यूज ब्यूरो, जनकपुरधाम । जल तथा मौसम पूर्वानुमान महाशाखाका अनुसार सोमबार बिहान गण्डकी प्रदेश लगायत देशका पहाडी र हिमाली भू–भागमा साधारणतया बादल लागेको छ भने केही ठाउँमा बर्षाको सम्भावना रहेको छ।

सोमबार दिउँसो देशको पहाडी र हिमाली भु–भागमा साधारणतया र तराई भू–भागमा आंशिक बादल लाग्नेछ।

सुदूरपश्चिम प्रदेशको पहाडी र हिमाली भू–भागका केहि स्थानहरूमा तथा बाँकी पहाडी र हिमाली भु–भागका थोरै स्थानहरूमा भने मेघगर्जन,चट्याङ्ग सहित हल्का वर्षा तथा हिमपातको सम्भावना रहेको महाशाखाले जनाएको छ।

सोमबार राति देशको पहाडी र हिमाली भू–भागमा साधारणतया र तराई भू–भागमा आंशिक बादल लाग्ने महाशाखाको पूर्वानुमान छ।

राति कोशी, बागमती, गण्डकी र कर्णाली प्रदेशका हिमाली तथा पहाडी भू–भागका थोरै स्थानहरूमा तथा बाँकी हिमाली तथा पहाडी भू–भागका एक(दुई स्थानमा मेघगर्जनरचट्याङ्ग सहित हल्का वर्षा तथा हिमपातको सम्भावना रहेको महाशाखाले जनाएको छ।