नवराजपुर गापाका एक वडाध्यक्षले योग्यता नपुगेकी बुहारीलाई अभिकर्तामा नियुक्त गरेको खुलासा

न्यूज ब्यूरो |

सिरहा, १५ साउन । नवराजपुर गाउँपालिका वडा नम्बर ४ मा वडाध्यक्ष मदन यादबले अवैधानिक तरिकाले आफ्नै बुहारी सुनिता यादबलाई स्वास्थ्य विमा अभिकर्ता (सहयोगी) मा नियुक्त गरेको खुलेको छ ।

स्वास्थ्य कार्यालयले सहयोगीका लागि खोलेको विज्ञापनमा सिएमए उत्तिर्ण वा कक्षा १२ उत्तिर्ण हुनुपर्ने योग्यता तोकेको थियो । तर एसएलसी पास मात्र गरेको सुनिता यादबलाई सहयोगीमा नियुक्त गरेपछि अन्य उम्मेदवार विरोध जनाएका छन् । सहयोगी पदका लागि जीवछ प्रसाद यादब, सुनिता यादब र दिनेश यादबले फारम भरेका थिए ।

साउन १३ गते सहयोगी पदका लागि अन्तरवार्ता लिए । अन्तरवार्ता स्वास्थ्य इन्चार्ज नन्दकिशोर यादबले लिनुपर्नेमा वडाध्यक्ष यादबले स्वयंमले लिएका थिए । वैकल्पिकमा छनोट भएका उम्मेदवार जीवछ पश्न गर्छन, आफ्न्त (बुहारी) परीक्षा दिने र ससुरा (वडाध्यक्ष)ले अन्तरवार्ता लिनु नै गैरकानुनी होइन ?’

योग्यता नपुगेपनि वडाध्यक्ष यादबले बुहारी सुनितालाई पावरको बलमा छनोट गरेपछि आफु अन्यायमा परेको उम्मेवार जीवछको भनाई छ । उनले सत्य तथ्य छानविन गरी योग्यता पुगेका उम्मेदवारलाई चयन गर्न वडा कार्यालय, गाउँपालिका र स्वास्थ्य कार्यालयमा निवेदन दर्ता गराएको बताए ।

उनले छनोट प्रक्रिया सच्याएर पुनः परीक्षा लिई सहयोगी चयन नभए अदालत जाने पनि बताए ।

:पत्रकार सन्तोष यादवको सहयोगमा