रामनवमी र इदमा साउण्ड चर्को भएपछि हिन्दु मुस्लिमबीच झडप, निषेधाज्ञा जारी

न्यूज ब्यूरो, कपिलवस्तु । माईकको साउण्ड चर्को भएको निहुँमा दुई समुदायबीच झडप भएको छ । कपिलवस्तुमा हिजो सोही सन्दर्भमा झडप भएको हो ।

माईककै निहुँमा हिन्दु र मुस्लिम समुदायबीच झडप भएपछि कपिलवस्तुको महाराजगञ्ज बर्गदवामा अनिश्चितकालीन निषेधाज्ञा जारी गरिएको हो।

रामनवमी र इदको अवसरमा माइकको आवाज चर्को भएको विषयमा सुरु भएको झडप उग्र हुँदै गएपछि जिल्ला प्रशासनले निषेधाज्ञा जारी गरेको हो।

सम्भावित झडपलाई रोक्न कुनै किसिमको भेला, सभा, जुलुस गर्न नपाउने गरी शनिबार दिउँसो २ बजेदेखि अर्को सूचना जारी नभएसम्म निषेधाज्ञा जारी गरिएको हो। निषेधाज्ञा पूर्वमा बर्गदी पुल, पश्चिम बहादुरगञ्ज चोक, उत्तर महाराजगन्ज बजार र दिक्षणमा हर्दौनासम्म छ।

झडपका क्रममा ढुंगा हानाहान भएको थियो भने ५ जना घाइते भएका छन्। अहिले स्थिति भने नियन्त्रणमा आइसकेको बनाइएको छ।