पूर्व प्रधानमन्त्री केपी ओलीलाई पितृशोक

न्यूज ब्यूरो, जनकपुरधाम । पूर्वप्रधानमन्त्री एवं नेकपा एमालेका अध्यक्ष केपी शर्मा ओलीलाई पितृ शोक परेको छ । उनका बुवा मोहन प्रसाद ओलीको ९७ वर्षको उमेरमा निधन भएको हो ।

केही दिनयता अस्वस्थ रहँदै आएका ओलीका बुवा मोहन प्रसादको आज बिहान गठ्ठाघरस्थित कोरियन अस्पतालमा निधन भएको एमाले सचिव पद्मा अर्यालले जानकारी दिएकी हुन् ।

उनको पार्थिव शरीर ओली निवास गुण्डुमा लैजाने र दिउँसो पशुपति आर्यघाटमा अन्त्येष्टि गरिने स्रोतले जनायो ।