अहिलेसम्म यी ६ पार्टीले मात्र कटाउन सके थ्रेसहोल्ड, काँग्रेस दोस्रो ठुलो, मधेशवादी शून्य

न्यूज ब्यूरो, जनकपुरधाम । फागुन २१ गते सम्पन्न आसन्न प्रतिनीधिसभा निर्वाचनको प्रत्यक्षतर्फको सबै मतगणना सम्पन्न भईसकेको छ भने समानुपाति तर्फ मतगणना जारी रहेको छ । 

अहिलेसम्म सबभन्दा अधिक राष्ट्रिय स्वतन्त्र पार्टीले ४९ लाख बढी मत प्राप्त गरेका छन् भने दोस्रोमा नेपाली काँग्रेसले १६ लाख बढी मत प्राप्त गरेका छन् । सिट सँख्याको हिसाबले नेपाली काँग्रेस दोस्रो ठुलो पार्टीको रुपमा बनेको छ । 

निर्वाचन आयोगमा दर्ता भएका दल तथा निर्वाचनमा भाग लिएका दलहरुमध्ये अहिलेसम्म ६ वटा दलले मात्रै राष्ट्रिय पार्टीको मत कटाउन सकेका छन् । निर्वाचन आयोगको नीतिमा रहेको कुल सदर मतको कम्तीमा ३ प्रतिशत मत ल्याए मात्रै राष्ट्रिय पार्टी घोषित हुने भने अनुसार मधेशवादी दलहरुले थ्रेसहोल्ड समेत कटाउन सकेको छैनन् । 

यो दौडमा एमालेले १४ लाख बढी मत प्राप्त गरेका छन् । नेपाली कम्यूनिष्ट पार्टीले झण्डै पौने ७ लाख मत प्राप्त गरेको छ भने हर्क साम्पाँगको श्रम सँस्कृति पार्टीले ३ लाख ५० हजार मत कटाएर थ्रेस होल्ड कटाउन सफल भएको हो । यस्तै, राष्ट्रिय प्रजातन्त्र पार्टीले समेत ३ लाख २३ हजार बढी मत कटाएर राष्ट्रिय पार्टी बनेको हो । 

मधेश केन्द्रीत जनता समाजवादी पार्टी, जनमत पार्टी, नेमकिपा जस्ता पार्टीहरुले थ्रेस होल्ड कटाउन सकेका छैनन् ।