किशोरी साहको उम्मेदवारी खारेज सन्दर्भमा रास्वपा धनुषा जिल्ला कार्यालयद्वारा सूचना जारी

न्यूज ब्यूरो, जनकपुरधाम । राष्ट्रिय स्वतन्त्र पार्टी (रास्वपा) धनुषा जिल्ला कार्यालयले धनुषा निर्वाचन क्षेत्र नम्बर १ का सन्दर्भमा एक सूचना जारी गरेको छ।

जिल्ला सभापति लक्ष्मेश्वर यादवद्वारा जारी सूचनामा धनुषा–१ सँग सम्बन्धित विषयमा सर्वोच्च अदालतमा रिट नं. ०८२–८०–०९७२ विचाराधीन रहेको उल्लेख गरिएको छ। उक्त विषय अन्तिम निर्णयमा नपुगेको अवस्थाबारे पार्टीले जानकारी गराएको जनाएको छ।

उक्त सूचनामा मिति २०८२ फाल्गुन २१ गते हुने प्रतिनिधिसभा निर्वाचनका सम्बन्धमा मतदातालाई दुवै मतपत्र (प्रतिनिधिसभा प्रत्यक्ष तथा समानुपातिक) सम्बन्धी प्रक्रिया स्पष्ट पारिएको उल्लेख छ।

यसैबीच, निर्वाचन आयोग ले यसअघि उक्त निर्वाचन क्षेत्रका उम्मेदवार किशोरी साहको उम्मेदवारी खारेज गरेको निर्णय सार्वजनिक गरिसकेको छ। सो निर्णयविरुद्ध सर्वोच्च अदालतमा मुद्दा विचाराधीन रहेको जनाइएको छ।