व्यापक अनियमितता भएको भन्दै गोलबजार नगरबासीले आन्दोलन चर्काउँदै

न्यूज ब्यूरो |

सिरहा, १४ साउन । सिरहाको गोलबजार नगरपालिकाले व्यापक अनियमितता गरेको आरोपमा स्थानीय सात राजनीतिक दल र नागरिक समाजले आन्दोलन जारी राखेका छन् । गोलबजार नगरकार्यपालिकाले मनोमानी किसिमले विभिन्न शीर्षकमा कर लागु तथा कर वृद्धि गर्नुको साथै विकास निर्माणमा अपारदर्शिता तथा अनियमितता गरेको भन्दै सात राजनीतिक दल र नागरिक समाजको आहवानमा आज नगरकार्यपालिकामा ४ घण्टा शाान्तिपूर्ण धर्ना दिएका छन् ।

सर्वदलीय सर्वपक्षिय संघर्ष मोर्चाले नागरिकलाई नगरकार्यपालिकाको कुनै पनि कर नतिरी आन्दोलनमा ऐक्यवद्धता जनाउन समेत आहवान गरिएको छ । मोर्चाले हिजो एक प्रेस विज्ञप्ती जारी गरी थप संघर्षका कार्यक्रम सार्वजनिक गरेका छन् ।

मोर्चाले हिजो २ घण्टा शान्तिपूर्ण धर्ना, आज १४ गते ४ घण्टा, भोलि १५ गते ६ घण्टा धर्ना, १६ गते शान्तिपूर्ण रÞ्याली प्रदर्शन गरी नगरकार्यपालिकाको कार्यालयमा तालावन्दी गरी कोण सभा गर्ने र १७ गते नगरका सवै वडा कार्यालयहरुमा अनिश्चितकालीन तालावन्दी गर्ने कार्यक्रम प्रेस विज्ञप्ति मार्फत जनाएको छ ।

नेपाली कांग्रेस, संघीय समाजवादी फोरम, राजपा, नयाा शक्ति पार्टि, विवेकसील साझा, राप्रपा प्रजातान्त्रिक, नेकपा क्रान्तिकारी माओवादीका प्रतिनीधिहरुद्धारा हस्ताक्षरीत प्रेस विज्ञप्ति मार्फत संघर्षका कार्यक्रम सार्वजनिक गरिएको छ । मोर्चाले १३ बुंदे माग राखीे नागरिक सरोकारका विषयमा ९ गते नगरप्रमूखलाई ज्ञापन पत्र बुझाइएका थिए । ज्ञापन पत्र बुझाए लगतै मोर्चा र नगरकार्यपालिका वीच भएको वार्ता निष्कर्ष विहिन भएका थिए । ज्ञापन पत्रमा कर वृद्धिको विवरण, वडा स्तरीय योजना र स्टीमेट, आ.व.०७५।०७६ का योजना,निति तथा कार्यक्रम, न्यायिक समितिले गरेको कार्यको प्रगती विवरण र सडक विस्तारको मापदण्ड लगायत नागरिक सरोकारका विषय रहेका छन् ।

यता, नगरकार्यपालिकाले अनियमितता नगरेको दावि गरेका छन् । नगरप्रमुख देवनाथ साहले मोर्चाले मााग गरिएको कागजातहरु यही १५ गते उपलब्ध गराइदिने बताएको छ । गोलबजार स्थानीय सरकारले आजको वैठकले आ.व. ०७५।०७६ मा वृद्धि गरिएको कर तथा सेवा दस्तुरमा थप रकम स्थगन गर्ने निर्णय गरिएको जनाएको छ ।

मोर्चाले वृद्धि गरिएको कर तथा सेवा दस्तुरमा थप रकमको स्थगन नभई फिर्ता लिइ वार्ताको वातावरण नबनाएसम्म नागरिक आन्दोलन जारी रहने बताएका छन् ।