नेपाली कांग्रेसका युवा नेता अरबिन्द मण्डललाई जिल्ला संयोजकको जिम्मेवारी

न्यूज ब्यूरो, सिरहा । नेपाली कांग्रेस मधेश प्रदेश युवा परिचालन समितिले सिरहा जिल्लाका युवा नेता अरबिन्द मण्डललाई जिल्ला संयोजकको जिम्मेवारी दिएको छ।

आगामी फागुन २७ गते हुने प्रतिनिधि सभा सदस्य निर्वाचनलाई लक्षित गर्दै सिरहा जिल्लाअन्तर्गतका ४ वटा निर्वाचन क्षेत्रमा नेपाली कांग्रेसका आधिकारिक उम्मेदवारलाई अत्यधिक मतसहित विजयी गराउने उद्देश्यका साथ मण्डललाई उक्त जिम्मेवारी प्रदान गरिएको हो।

युवा परिचालन समिति मधेश प्रदेशका संयोजक कृष्ण कुमार सिंहद्वारा जारी पत्रअनुसार अरबिन्द मण्डललाई सिरहा जिल्ला स्तरीय युवा परिचालन समितिको जिल्ला संयोजकको जिम्मेवारी तोकिएको उल्लेख गरिएको छ।

पत्रमा मण्डललाई प्रदान गरिएको जिम्मेवारी सफलतापूर्वक सम्पन्न गर्ने विश्वास व्यक्त गर्दै शुभकामना पनि व्यक्त गरिएको छ।

जिम्मेवारी पाएपछि मण्डलले पार्टीको निर्देशनअनुसार युवालाई संगठित गर्दै निर्वाचन अभियानलाई प्रभावकारी बनाउने प्रतिबद्धता जनाएका छन्।