मधेश आन्दोलनबाट उदाएका जनकपुरका किशन रास्वपामा प्रवेश

न्यूज ब्यूरो, जनकपुरधाम । मधेश आन्दोलनबाट उदाएका सक्रिय युवा नेता किसन साह राष्ट्रिय स्वतन्त्र पार्टी (रास्वपा) मा प्रवेश गरेका छन्।

दोस्रो मधेश आन्दोलनबाट राजनीतिमा सक्रिय रहँदै आाएका किशनले विहिबार झापा पुगेर बालेन्द्र साहबाट पार्टी प्रवेश गरेका हुन् । रास्ववपाका वरिष्ठ नेता बालेन्द्र साहले उनलाई पार्टीमा स्वागत गरेका हुन् ।

पुस्ता रूपान्तरण र नयाँ राजनीतिक संस्कृतिको बहस चर्किरहेका बेला रास्वपामा उनी प्रवेश गरेपछि मनिष झाको मतपरिणाम बदल्ने भएको देखिएको छ । जनकपुरमा पक्कड बनाएका किशनले चुनावमा सहयोग गर्ने भएको छ ।

जनकपुरमा राजनीतिमा सक्रिय युवा नेताका रूपमा चिनिएका साहको रास्वपामा प्रवेशले मनिष झालाई फाईदा हुने भएको छ । लामो समयदेखि सामाजिक न्याय, पहिचान र समावेशी राजनीतिका पक्षमा सक्रिय रहँदै आएका साहको प्रवेशलाई रास्वपाले युवामैत्री र सुधारमुखी राजनीतिको सन्देशका रूपमा लिएको छ।

पछिल्लो समय मुलुकभित्र पुरानो राजनीतिक संरचनाको विकल्प खोज्ने आवाज बलियो बन्दै गएको सन्दर्भमा साहको रास्वपामा प्रवेशलाई पुस्ता परिवर्तनको अभियानसँग जोडेर हेरिएको छ।