प्रदेश २ मन्त्री परिषद्को विस्तार, थपिए तीन राज्यमन्त्री

न्यूज ब्यूरो |
जनकपुरधाम, 10 साउन । प्रदेश नं. २ मा तीन राज्यमन्त्री थपिएको छ । मुख्यमन्त्री लालबाबु राउतले बुधवार तीन राज्यमन्त्रीलाई सपथ गराएसंगै मन्त्री परिषदले पूर्णता पाएको हो ।

तेश्रो पटक भएको मन्त्री परिषद विस्तारमा राष्ट्रिय जनता पार्टी नेपालले सिफारिस गरेका ३ जनालाई राज्य मन्त्री पदमा सपथ खुवाईएको हो ।

फोरम नेपालको नेतृत्वमा बनेको सरकारको सत्ता गठबन्धन राष्ट्रिय जनता पार्टी नेपाल ( राजपा)को तर्फबाट राज्य मन्त्री पदमा भौतिक पुर्वाधार राज्यमन्त्रीमा डिम्पल झा, समाजिक विकास राज्यमन्त्रीमा अभिराम शर्मा, र उद्योग पर्यटन तथा वातावरण मन्त्रीमा सुरेश मण्डलले पद तथा गोपनियताको सपथ लिएका हुन् ।

भौतिक पुर्वाधार राज्यमन्त्री सपथ डिम्पल झा राजपा अध्यक्ष मण्डलका अनिल झाकी पत्नी हुन, भने अभिराम शर्मा मधेश आन्दोलनको क्रममा महोत्तरीको जलेश्वरमा भएको प्रहरी सहायक निरिक्षक थमन विक हत्या काण्डमा प्रहरीले मस्टको वाण्डेट सुचिमा रहेका छन् ।

प्रदेश २ मन्त्री परिषद्को विस्तार, थपिए तीन राज्यमन्त्री यसैगरी सुरेश मण्डल केन्द्रिय सदस्य हुन् । यस अघि गत फाल्गुन ३ गते संघीय समाजवादी फोरमको तर्फबाट मुख्यमन्त्रीमा लालबाबु राउत, आर्थिक मामिला तथा योजना मन्त्रीमा विजय यादव र राजपाबाटबाट भौतिक पूर्वाधार मन्त्रीमा जितेन्द्र सोनलले शपथ लिएका थिए ।

फागुन १६ गते प्रदेश २ को मन्त्री मण्डल दोस्रो पटक विस्तारमा संघीय समाजवादी फोरमबाट आन्तरिक मामिला तथा कानुनमन्त्रीमा ज्ञानेन्द यादव, भूमि व्यवस्था, कृषि तथा सहकारीमा शैलेन्द्र साहले शपथ लिएका थिए ।

यसैगरी राजपाबाट सामाजिक विकास मन्त्रीमा नवलकिशोर साह र उद्योग पर्यटन, वन तथा वातावरण मन्त्रीमा रामनरेश राय र फोरमबाटै आन्तरिक मामिला तथा कानुन राज्यमन्त्रीमा सरोज सिंह, भूमि, व्यवस्था, कृषि तथा सहकारी राज्यमन्त्रीमा योगेन्द्र राय यादव र आर्थिक मामिला तथा योजना राज्यमन्त्रीमा उषा यादवले शपथ लिएकी थिइन् ।

प्रदेश २ का मुख्यमन्त्री मो. लालबाबु राउत गद्दीले नेपालीमा सपथ खुवाउँदा डिम्पल झाले हिन्दी र अभिराम शर्मा र सुरेश मण्डलले मैथिली भाषामा पद तथा गोपिनयताको सपथ ग्रहण गरेका थिए ।

सो अवसरमा प्रदेश प्रमुख रत्नेश्वसर लाल कायस्थ, सभामुख सरोज कुमार यादव, मन्त्रीद्वय विजय यादव र जितेन्द्र सोलन, रामनरेश सिंहका साथै विभिन्न मन्त्रालयका सचिव, सुरक्षा निकायका अधिकारीहरुको उपस्थिति रहेको थियो ।