महोत्तरीमा सुचनाको हक प्रयोग गर्दै प्रतिपक्षीले मांगे तथ्यांक, नदिए संघर्ष गर्ने

बाबु प्रेम यदुवन्शी |
महोत्तरी,१० साउन । एकडारा गाउपालिकामा सुचनाको हक प्रयोग गर्दै प्रतिपक्षी दलहरुले सुचना मांग गरेका छन ।

आ.व. ०७४।७५ को सम्पुर्ण आय व्यय विवरण तथा आ.व. ०७५/७६ को छनौट गरिको योजनाहरु उपलब्ध गराउन साउन ६ गते आईतवार नै आवेदन दर्ता गराइएकोमा बुधवार पुनः गाउपालिकाको कार्यालयमा ज्ञापनपत्र बुझाउदै ४ दिन भित्र सुचना उपलब्ध नगराइए संघर्ष गर्ने बताएका छन ।

प्रतिपक्षी दलहरुले पत्रकार सम्मेलन गरि ज्ञापनपत्र र सुचनाको हक सम्बन्धि आवेदन दिएको जानकारी गराएका छन ।

संघिय नेपालको पहिलो स्थानिय सरकारले गाउपालिकाका अन्य दललाई वेवास्ता गर्दै लोकतान्त्रिक मुल्य मान्यतालाई मान मर्दन गरेको ठहर गरेको प्रतिपक्षी दलहरुले सार्वजनिक गरेको विज्ञप्तीमा उल्लेख छ ।

उनीहरुले गाउपालिका प्रमुखले सरकारी बजेटको व्यापक हिनामिना गरेको आशंका रहेकोले सुचना मांगेको प्रतिपक्षी दलका संयोजक नेपाली काँग्रेसका विरजु महतोले संचारकर्मीहरुलाई बताए ।

उनले चारदिन भित्र सुचना उपलब्ध नगराइए संघर्षको वाटो खुल्ला रहेको र प्रतिपक्षीले निभाउने भुमिका आफुहरुले निभाउनेमा कुनै शंका नरहेको बताए ।

गाउपालिका भित्र विभिन्न सडक तथा अन्य योजनाहरु सम्पन्न भएको र गाउपालिकाले आर्थिक मसान्त समाप्त गरि सार्वजनिक सुनुवाई समेत सम्पन्न गरिसकेको भएपनि सुचना उपलब्ध गराउन कार्यालयबाट आनाकानी भैरहेकोमा आफुहरुले यसलाई गम्भिरता पुर्वक लिएको बताए ।

जिल्ला समन्वय समिति र जिल्ला प्रसासन कार्यालयलाई वोदार्थ गरि बुझाइएको ज्ञापनपत्रमा नेपाली काँग्रेसका तर्फबाट संयोजक विरजु महतो,संघिय समाजवादी फोरमका तर्फबाट उपसंयोजक दिप नारायण मंडल,नेपाल कम्युनिष्ट पार्टीबाट सचिव महेश कुमार यादव,बहुजन समाजपार्टीबाट सदस्य सचिव विनोद पासमान,नेपाल कम्युनिष्ट पार्टी,नेपाली कांग्रेस,नेकपा र संसफोनेबाट सदस्यहरु क्रमश ईलियास अंसारी,मनोज झा,ममता मंडल र रविन्द्र यादवले हस्ताक्षर गरेका छन ।

गौशाला नगरपालिकामा चर्को नारावाजी :

यता गौशाला नगरपालिकामा कर बढाएको भन्दै प्रतिपक्षी दलहरुले चर्को नारावाजी गरेका छन । गौशालाका प्रमुख शिवनाथ महतोले जनताबाट वढी कर उसुलेर नेता पाल्ने मनस्थितिले करको दर बढाएको प्रतिपक्षीहरुको आरोप छ ।

गौशालाका स्थानिय सर्व साधारण समेत नगरपालिकाको निर्णय प्रति रुष्ट छन ।