-(1).png)
न्यूज ब्यूरो, अस्ट्रेलिया । अष्ट्रेलियाको सिड्नीको प्रसिद्ध बोन्डी बीचमा हनुक्का (यहूदी पर्व) कार्यक्रमका सहभागीहरूमाथि भएको आक्रमणमा कम्तिमा १६ जनाको मृत्यु भएको अधिकारीहरूले पुष्टि गरेका छन् भने ४० भन्दा धेरै घाइते भएका छन्।
घटना एक ठूलो आतङ्ककारी गोलीकाण्डको रूपमा वर्णन गरिएको छ जसमा दुई बन्दुकधारी बाउ-छोराले पनि संलग्न रहेको देश तथा विदेशका सञ्चार माध्यमहरुले जनाएका छन्।
.png)
प्रहरी र प्रारम्भिक जानकारीअनुसार ५० वर्षका साजिद अकरम र उनका २४ वर्षका छोरा नवीद अकरमले भीडमाथि गोली चलाएका थिए। साजिदलाई घटनास्थलमै प्रहरीले मारिदिएको छ भने नवीद अहिले घाइते अवस्थामा अस्पतालमा उपचार भइरहेको छ। उनीहरूले कार्यक्रम चलिरहेको बेला अचानक गोलि चलाएका थिए।
स्थानीय सञ्चारमा फैलिएको केही रिपोर्टमा नवीद अकरमलाई पाकिस्तानी कनेक्सन रहेको दाबी गरिएको छ। ती रिपोर्टअनुसार उनलाई पाकिस्तानी नागरिकको रूपमा उल्लेख गरिएको छ। तथापि, यसबारे अधिकारी स्रोतबाट पक्का पुष्टि अत्तोपत्तो नभएको समाचारले जनाएका छन् र अनुसन्धान जारी छ।
घटनास्थलका तस्वीरहरू र भिडियोहरूमा हजारौँ मानिसहरू हनुक्का पर्व मनाइरहेका बेला अचानक गोली चलेको खालको क्रूर घटना देखिएका छन्। केही नागरिकले शूटरलाई नियन्त्रणमा पार्ने प्रयास गरेको भिडियो सामाजिक सञ्जालमा तीव्र रूपमा भाइरल भएको छ। अहमद अल अहमदले आतंककारीको हातबाट बन्दुक खोसेर बहादुरी प्रदर्शन गरे । उनको चौतर्फी प्रशँसा भएको छ ।
अष्ट्रेलियाका प्रधानमन्त्री एन्थोनी अल्बानीजले उक्त घटनालाई भयानक आतंकवादी आक्रमणको रूपमा दाबी गर्दै देशभर राष्ट्रिय एकता र निन्दा प्रकट गरेका छन्। धेरै नेताहरूले पीडितहरूको परिवारप्रतिको समवेदना व्यक्त गरेका छन् र नस्लवाद तथा घृणाका बिरुद्ध कडा कदम चाल्ने आश्वासन दिएका छन्।
सुरक्षा ऐजन्सीहरूले पनि शंकास्पद सामग्री र थप सम्भावित सहकार्यकर्ताहरूको खोजी गरिरहेका छन्। यस घटनाले प्रहरीले बन्दुक नियन्त्रण र सामाजिक सद्भावको आवश्यकतालाई पुनः प्राथमिकतामा राख्नुपर्ने आवाजलाई अझ सुदृढ बनाएको छ।
भारतमे फंसे नेपालियोंको नेपाल लानेका फैसला
- २०८२ मङ्सिर ३० सोमबार
- न्यूज ब्यूरो, डेस्क
न्यूज ब्यूरो, जनकपुरधाम । नेपाल –भारत सीमा सील होनेके बाद प्रशासन ने भारत में फंसे धनुषा जिल्लेकी लोगों को लानेका फैसला किया है। जिला प्रशासन कार्यालय, धनुषा में आयोजित जिल्लाआपदा प्रबंधन
पूरा पढ्नुहोस्
