सर्पले डँसेपछि महोत्तरीमा एक वर्षिय वालकको मृत्यु, सिँगो टोल नै शोकमा

बाबु प्रेम यदुवन्शी |
महोत्तरी,९ साउन । महोत्तरीमा सर्पको टोकाईबाट एक वर्षिय वालकको मृत्यु भएको छ ।

जिल्लाको औरही नगरपालिका वडा नं। १ मा रामबावु कापर आफ्ना परिवार सहित वस्दै आएकोमा उनको एक वर्षिय छोरालाई मंगलवार दिउसो १ बजे गौमन सर्पले टोक्दा वालकको मृत्यु भएको हो ।

कापर आफ्नै ससुराली नातामा पर्ने फुपुको घरमा श्रीमति र एक छोेरा एक छोरी सहित वस्दै आएका थिए ।

मंगलवार दिउसो सर्पले टोक्दा बर्दिवास स्थित सर्पदंश केन्द्रमा लग्न खोज्दा वाटोमै मृत्यु भएपछि शव लिएर कापर फर्केका थिए । मृतक वालकको दाहसंस्कार मंगलवार नै गरिएको छ ।

जलेश्वर अस्पताल तथा बर्दिवास स्थित सर्प दंश उपचार केन्द्र वाहेक अन्य कुनै स्थानमा सर्पले टोकेको उपचार नहुने गरेकोले सर्पकै टोकाईवाट अकालमै मृत्यु हुनेहरुको संख्या अत्यधिक छ ।

जलेश्वर अस्पताल र बर्दिवास अस्पतालले आफुकहा उपचार गराउन पुगेका र उपचारको क्रममा मृत्यु भएको हरुको तथ्यांक मात्र राख्ने गरेकोले अस्पताल नै नपुगी मृत्यु हुनेहरुको यकिन तथ्यांक सरोकारवाला निकायहरुसंग छैन ।

जिल्लामै जम्मा दुई स्थानमा सर्पको उपचार सम्भव भएकोले अधिकांश नागरिक उपचारको पहुचमा छैनन।

सर्पले टोकेमा तत्कालै केहि मिनट भित्र उपचारमा लगिए वाच्ने सम्भावना अध्यधिक भएपनि जिल्लाका ग्रामिण तथा बर्दिवास र जलेश्वर भन्दा टाढा भएकाहरु अस्पताल पुग्न नपाउदै उनीहरुको मृत्यु हुने गरेको छ ।

जिल्ला स्थित यि दुई केन्द्रमै महोत्तरीका सवै विरामीका साथै छिमेकी भारतको सिमावर्ती जिल्ला तथा क्षेत्रहरु समेत निर्भर छन ।