गाईको मासु काटेको आरोपमा आधा दर्जन व्यक्ति पक्राउ

न्यूज ब्यूरो, चितवन । गाईको मासु काटेको आरोपमा आधा दर्जन व्यक्तिलाई प्रहरीले पक्राउ गरेको छ । चितवनको खैरहनी नगरपालिका वडा नं. १० बडगाउँस्थित केराबारीभित्र गाईको मासु काट्दै गरेको अवस्थामा ६ जनालाई प्रकाउ गरिएको जिल्ला प्रहरी कार्यालय चितवनले जानकारी दिएको छ।

प्रहरीका अनुसार आज दिउँसो १ः५० बजे इलाका प्रहरी कार्यालय खैरहनीका प्रहरी नायब निरीक्षक उज्वलराज चितुवालको नेतृत्वमा खटिएको टोलीले उनीहरूलाई नियन्त्रणमा लिएको हो।

पक्राउ गरिएकाहरुको नाम प्रहरीले खुलाएको छैन। घटनाबारे थप अनुसन्धान भइरहेको प्रहरीले जानकारी दिएको छ।