गोली हानेर मारिएका वडाध्यक्षको बुवासँग महासेठले भने,–'छोरा बचाउन सकिएन, तपाईलाई थप पीडा हुन दिन्नौँ'

न्यूज ब्यूरो, जनकपुरधाम । धनुषामा गोली हानेर हत्या भएका धनुषा मिथिलाबिहारी नगरपालिका वडा नं. ९ का वडाध्यक्ष विन्देश्वर यादवको परिवारलाई नेपाल कम्यूनिष्ट पार्टी एमालेका केन्द्रीय सचिव एवम् पूर्व मन्त्री रघुवीर महासेठले गोली हानेर मारिएका वडाध्यक्षको परिवारलाई भेटेका छन् ।

शुक्रबार साँझ भोजको विषयमा भएको झगडामा गोली हानेर हत्या भएपछि एमालेका नेता महासेठ उनको घरमा पुगेर थप पीडा हुन नदिने प्रतिवद्धता जाहेर गरेका छन् । मृतक वडाध्यक्षको अन्तिम श्रद्धाञ्जली दिन उनको घर पुगेका नेता महासेठले उनको १०१ बर्षिय वृद्ध वुवालाई भेटेर केही बेर भावुक बने ।

उनले भने,–“तपाईको छोरा बिन्देश्वरलाई त हामी बचाउन सकेनौ, उहाँलाई फिर्ता ल्याइदिन सक्दिन्न, तर तपाईलाई छोरा जस्तै राख्नेछौँ । तपाईलाई दुःख परेको छ, अब तपाईलाई थप पीडा हुन दिने छैनौँ ।”

महासेठले उनकी वडाध्यक्ष यादवकी श्रीमति (फरक क्षमता, आँखा नदेख्ने) श्रीमतिलाई धेरै बेरसम्म सान्त्वना दिए । वडाध्यक्षको अन्तिम क्रियाकर्मसम्म आफू यही रहने भन्दै कुनै पीडा हुन नदिने बताए ।

वडा नम्बर ९ का वडाध्यक्ष विन्देश्वर यादवको गोली हानेर हत्या गरेको आरोपमा प्रहरीले चार जनालाई पक्राउ गरेको छ ।

पक्राउ पर्नेमा ३५ वर्षिय शम्भु कुमार यादव, ३० वर्षिय धर्मनाथ यादव,२८ वर्षिय पप्पू यादव र २८ वर्षकै मनोज कुमार यादव रहेका छन् । उनीहरू सोही वडाका हुन् ।