.gif){kind=spacer}
नयाँ दिल्ली | भारतको राजधानी नयाँ दिल्लीस्थित लाल किला (Red Fort) नजिक भएको कार बम विस्फोटमा नयाँ तथ्य सार्वजनिक भएको छ। डीएनए परीक्षणपछि कारभित्र जलेर मारिएका व्यक्तिको पहिचान काश्मीरका आतङ्कवादी डा. उमर मोहम्मदका रूपमा पुष्टि भएको भारतीय प्रहरीले जनाएको छ।
गत सोमबार साँझ लाल किला मेट्रो स्टेशन नजिक पार्क गरिएको Hyundai i20 कार विस्फोट हुँदा आसपासका क्षेत्रमा आतंक मच्चिएको थियो। प्रारम्भिक अनुसन्धानका क्रममा गाडीभित्र एक व्यक्तिको जलेको शव फेला परेको थियो, जसको पहिचान स्पष्ट हुन सकेको थिएन। पछि प्रहरीले शवका नमूना र उमर मोहम्मदका परिवारका सदस्यका डीएनए नमूना परीक्षण गर्दा मिलान भएपछि पहिचान पुष्टि भएको बताएको हो।
दिल्ली प्रहरीको विशेष सेल र राष्ट्रिय अन्वेषण एजेन्सी (NIA) ले संयुक्त रूपमा गरेको अनुसन्धान अनुसार, विस्फोटमा प्रयोग गरिएको कार र सामग्री जैश-ए-मोहम्मद (JeM) आतङ्कवादी समूहसँग सम्बन्धित मोड्युलमार्फत ल्याइएको हुन सक्ने प्रारम्भिक अनुमान गरिएको छ। विस्फोटमा एमोनियम नाइट्रेट र डिटोनेटर प्रयोग गरिएको पुष्टि भएको छ।
प्रहरी स्रोतका अनुसार डा. उमर मोहम्मद पुलवामाका निवासी थिए र अघिल्लो केही महिनादेखि फरिदाबादमा लुकेर बसिरहेका थिए। उनी मेडिकल पेसामा संलग्न देखिए पनि पछिल्ला वर्षमा चरमपन्थी संगठनहरूसँग जोडिएको शंका गरिएको थियो। अनुसन्धानकर्ताहरूले उनको मोबाइल डाटा, बैंक लेनदेन र सोसल मिडिया सम्पर्कको विश्लेषण सुरु गरेका छन्।
भारतका गृहमन्त्री अमित शाहले घटनालाई “सुनियोजित आतङ्कवादी हमला” भन्दै दोषीहरूलाई कडा कानूनी कारबाही गरिने चेतावनी दिएका छन्। उनले सुरक्षातन्त्रलाई दिल्लीका संवेदनशील क्षेत्रहरूमा सतर्कता बढाउन निर्देशन दिएका छन्।
यसबीच, प्रहरीले फरिदाबाद र नोएडा क्षेत्रमा डा. उमरसँग सम्पर्कमा रहेका केही व्यक्तिहरूको खोजी तीव्र पारेको छ। अनुसन्धान अधिकारीहरूले यो घटना आत्मघाती बम विस्फोट थियो वा कारमा बम राखेर टाढाबाट विस्फोट गराइएको भन्ने विषयमा प्रमाण सङ्कलन गरिरहेको जनाएका छन्।
स्रोतका अनुसार घटनाको अनुसन्धान अन्तिम चरणमा पुगेको छ र सुरक्षातन्त्रले यसलाई दक्षिण एसियामा सक्रिय चरमपन्थी मोड्युलहरूसँग जोडेर व्यापक जाँच सुरु गरेको छ।
डा. उमर मोहम्मदलाई पहिले पनि विभिन्न आतङ्कवादी गतिविधिसँग सम्बन्धित रूपमा चिनिएको बताइएको छ। लाल किला विस्फोटपछि उनको मृत्युको पुष्टि हुँदै घटनालाई ठूलो आतङ्कवादी सञ्जालसँग जोडिएको स्पष्ट संकेत देखिएको प्रहरीको निष्कर्ष छ।
रौतहटमा दलित युवकलाई कुटदाकुटदै मारे, चार जनामाथि मुद्दा
- २०८२ कार्तिक २८ बिहीबार
न्यूज ब्यूरो, रौतहट । रौतहटको कटहरिया नगरपालिका–४ स्थित बहादुरपुरमा मोबाइल चोरी गरेको झुटा आरोपमा निर्ममतापूर्वक कुटिएका एक दलित युवकको उपचारका क्रममा मृत्यु भएको छ । उनको उपचारको क्रममा मृत्यु भएपछि कुटपिटमा
पूरा पढ्नुहोस्
