जनकपुरबाट तीन स्वास्थ्यकर्मी पक्राउ

न्यूज ब्यूरो, जनकपुरधाम । आन्दोलनरत तीन जना स्वास्थ्यकर्मीलाई प्रहरीले नियन्त्रणमा लिएको छ। मंगलबार साँझ जनकपुर–ढल्केवर सडकखण्डअन्तर्गत पिडारी चोकमा जाम खुलेका क्रममा उनीहरूलाई नियन्त्रणमा लिइएको हो।

धनुषाका डिएसपी गणेशबहादुर बमका अनुसार सडक जाम हटाउन खोज्दा स्थिति नियन्त्रणभन्दा बाहिर गएपछि प्रहरी टोलीले दुई राउन्ड अश्रुग्यास प्रहार गरेको थियो। केही स्वास्थ्यकर्मी अहिले पनि सडक किनारमा उभिएर प्रदर्शन गरिरहेका छन्।

स्वास्थ्यकर्मीहरुले बिहानैदेखि सडक अवरुद्ध गर्दै आन्दोलन गरिरहेका थिए। साँझपख सडकमा लामो सवारी जाम भएपछि प्रहरीले बल प्रयोग गरी भीड तितरबितर गरेको र सडक अवरुद्ध हटाइएको बताइएको छ।