नेपाल यादव युवा संघद्धारा बिहारी नेताको चुनावी प्रचार, चौतर्फी आलोचना !

न्यूज ब्यूरो, जनकपुरधाम । नेपाल यादव युवा संघ नामक पेजबाट भारतीय बिहारका एक नेताको चुनावी प्रचार प्रसार गरिरहेको पाइएको छ ।

समाजिक सँजाल फेसबुकमा नेपाल यादव युवा संघ नाम राखिएको सो पेजबाट छिमेकी मुलुक भारतको बिहार राज्यस्थित आरजेडी (राजद) पार्टीका तेजस्वी यादवको पार्टीको चुनावी प्रचार प्रसार गरिरहेको पाइएको छ ।

“अबकी बार बिहार में गूंजेगा एक ही नारा, अबकी बार बिहार में तेजस्वी सरकार” भनेर स्टेस लेख्दै चारा घोटालामा भ्रष्टाचारी साबित भएका नेता लालु प्रसाद यादव नेतृत्वको राजद पार्टीको चुनावी प्रचार प्रसार गर्न थालेको हो । सोही पेजमा लालु प्रसाद यादवका जेठा छोरा तेजप्रताप यादवको समेत प्रचार प्रसार गरेका छन् ।

नेपालमा बसेर भारत बिहारी नेताहरुको जातको हिसाबले प्रचार प्रसार गरिएपछि चौतर्फी आलोचना भएको छ । पेजको टिप्पणीमै करिब ९८ प्रतिशत टिप्पणीकर्ताले विरोध जनाएका छन् ।

आउँदो फागुनमा नेपालमा समेत प्रतिनीधिसभाको चुनाव हुने भएपछि तराई मधेशको विभिन्न ठाउँमा जातीय भोँटको कसरत सुरु गरिएको छ । पर्व तिहार, चौक, सडकमा जातीय बोर्ड लगाएर आफ्नो जातीय उपस्थिति जनाउँदै जातकै हिसाले भोँट पाउने आस राखिएको टिप्पणी गरिएको छ ।