नेविसंघ धनुषाद्धारा रक्तदान, सम्पन्न, भोली अनाथ आश्रममा स्टेशनरी वितरण

न्यूज ब्यूरो |
जनकपुरधाम, ५ साउन । नेपाल विद्यार्थी संघ धनुषाको आयोजनामा भएको रक्तदान कार्यक्रममा पाँच दर्जन व्यक्तिले रक्तदान गरेका छन् ।

रक्तदान जीवनदान मूल नारा सहित विपीको ३६ औँ स्मृति दिवसको अवसरमा नेविसंघ धनुषाको अगुवाई तथा जनकपुरधाम उपमहानगरपालिकाको नगर कमिटिको आयोजनामा जनकपुरधाममा शनिबार सम्पन्न रक्तदान कार्यक्रममा ५५ जनाले रक्तदान गरेका हुन् ।

नगर कमिटीका सभापति सुमन ठाकुरको अध्यक्षता एवम् नेविसंघ धनुषाका जिल्ला अध्यक्ष सुजित मिश्रको प्रमुख आतिथ्यमा सम्पन्न भएको रक्तदान कार्यक्रममा युवा, नेविसंघ सम्बद्ध विद्यार्थीहरु, सर्वसाधारणले समेत रक्तदान गरेका हुन् ।

विपीको ३६ औँ स्मृति दिवसमा नेविसंघ धनुषाले घोषणा गरेको तीन दिवसीय कार्यक्रम अनुरुप प्रथम दिन साउन ५ गते रक्तदान कार्यक्रम सम्पन्न गरेका छन् भने आईतबार साउन ६ गते अनाथ आश्रममा फलफूल तथा स्टेशनरी वितरण गर्ने कार्यक्रम रहेको छ ।

नेविसंघको पूर्वघोषित कार्यक्रम अनुसार रक्तदान कार्यक्रम सम्पन्न भएको हो ।