सिरहाको औरही गाउँपालिकाको प्रमुख प्रशासकीय अधिकृत भए यादव

न्यूज ब्यूरो, जनकपुरधाम । सिरहाको औरही गाउँपालिकाका प्रमुख प्रशासकीय अधिकृतमा देवशरण यादवले कार्यभार सम्हालेका छन् ।

आईतबार कार्यालय पुगेर उनले प्रमुख प्रशासकीय अधिकृतको जिम्मेवारी सम्हालेका हुन् । यसअघि समान्य प्रशासन मन्त्रालयले उनलाई धनुषाको जनकनन्दिनी गाउँपालिकामा पठाएका थिए । तर, पालिकामा आन्तरिक किचलोपछि उनी अन्ततः सिरहाको औरहीमा हाजिर भएका हुन् ।

सानै उमेरमा शाखा अधिकृतमा नाम निकाल्न सफल भएका धनुषा कमला नगरपालिका वडा नं. १ मँगराहा बस्ने देवशरण यादवले यसअघि समेत प्रशासनिक क्षेत्रमा कार्य सम्पादन गरिसकेका छन् ।

आईतबार गाउँपालिका अध्यक्ष, उपाध्यक्षसहित विभिन्न वडाका वडाध्यक्ष र कर्मचारीहरुले उनलाई स्वागत गरेका थिए ।