आजदेखि दशैं सुरु, जनकपुरधाममा विशेष उत्साह र धुमधाम

न्यूज ब्यूरो, जनकपुरधाम । हिन्दू समुदायको महान् पर्व दशैं आजदेखि औपचारिक रूपमा सुरु भएको छ। मिथिला संस्कृतिको राजधानी मानिने जनकपुरधाममा घटस्थापनासँगै दशैंको सुरुवात विशेष उत्साह र धुमधामका साथ मनाइँदै छ।

बिहानैदेखि राजदेवी मन्दिर लगायत विभिन्न शक्तिपीठहरुमा पूजाआराधना गर्ने भक्तजनहरूको भीड लागेको छ। परिवारसँगै आएर जमरा राख्ने, पूजापाठ गर्ने र दर्शन गर्नेको घुइँचो बढ्दै गएको छ।

दशैंका अवसरमा स्थानीय प्रशासनले सुरक्षा व्यवस्था कडा पारेको छ भने नगरपालिकाले सरसफाइ र यातायात व्यवस्थापनमा विशेष ध्यान दिएको छ। बजारमा चहलपहल बढेसँगै आवश्यक सामग्री, पूजाका सामान र नयाँ कपडाको खरिदमा पनि वृद्धि भएको छ।

मिथिला क्षेत्रमा दशैंसँगै नातागोता भेटघाट, संस्कृति र परम्परागत भजनकीर्तनको कार्यक्रम पनि सुरु हुने परम्परा रहिआएको छ। यसपटक जनकपुरधाममा पनि विभिन्न सांस्कृतिक तथा धार्मिक कार्यक्रमको तयारी भएको आयोजक समितिहरूले बताएका छन्।

देशैभरिमा दशैँको अवसरमा जनकपुरमा मात्र सबभन्दा अधिक धुमधाम र रमणीय मेला लाग्ने गरेको छ । यहाँ भारतबाट समेत श्रद्धालुहरु दशैँभरि आउने गरेको छ ।