साउनमा जनकपुरधाामको शिव मन्दिर चम्काइयो, दुर्गन्ध यथावत

न्यूज ब्यूरो |
जनकपुरधाम, ४ साउन । साउने सोमबारी व्रतलाई मध्यनजर गर्दै जनकपुरधामको शिवचोक स्थित रहेको शिव मन्दिरलाई रँगरोगन गरिएको छ ।

जनकपुरधाम उपमहानगरपालिका वडा नं. २ शिवचोकमै रहेको शिव मन्दिरलाई सोमबारी व्रतलाई मध्यनजर गर्दै वडाध्यक्ष शिव कुमार साह र सदस्य अमित साहको विशेष पहलमा रँगरोगन गरिएको हो ।

जनकपुरधाम उपमहानगरपालिकाको सहयोगमा उक्त रँगरोगन कार्य गरिएको हो । प्रत्येक वर्ष साउन महिनामा लाग्ने सोमबारी व्रत तथा सोमबारी व्रत वस्ने व्रतालुहरुलाई मध्यनजर गर्दै रँगरोगन गरिएको हो ।

साउने सोमबारीमा व्रतालु महिलाहरुको शिवालयहरुमा भीड लाग्ने गर्दछ ।

यता, मन्दिरलाई रँगरोगन गरिएपनि मन्दिरकै छेउमा राखिएको फोहोर डस्टबिन अति नै दुर्गन्धित भएको देखिएको छ ।

शिव मन्दिरको अगाडीमै सँचालनमा रहेको केही नास्ता पसलहरुको फोहोर र जुठा मन्दिरको अगाडीमै फाल्दै आएकोले गर्मीमा थप दुुर्गन्धित भएको छ ।

महागँगा आरतीको प्रवेशद्धार र शिव मन्दिरलाई नै लक्षित गरी बनाइएको सुरक्षा घेरा समेत जीर्ण भएकोे छ भने सँचालनमा रहेको होटलबालाहरुले मनोमानी ढँगले फोहोर फाल्न थालेपछि मन्दिर वरिपरिको वातावरण दुर्गन्धित बनेको छ ।

आउँदो सोमबार सोमबारी व्रतालु महिला तथा दर्शनार्थी श्रद्धालुहरुको भीड लाग्नेछ ।