सरकारले मृतक परिवारलाई १५/१५ लाख दिने, असोज १ मा ‘शोक दिवस’ मनाउने

न्यूज ब्यूरो, जनकपुरधाम । जेनजी आन्दोनलमा मृत्यू भएका परिवारलाई सरकारले प्रति परिवार १५ लाख रुपैयाँ दिने निर्णय गरेको छ । सरकारले असोज १ गते (पर्सी) देशव्यापी शोक दिवस पनि मनाउने भएको छ।

सोमबार बसेको मन्त्रिपरिषद् बैठकले जेनजी आन्दोलनका क्रममा ज्यान गुमाउने नागरिकप्रति सम्मानस्वरूप भोलि सार्वजनिक बिदा दिने र राष्ट्रिय झण्डा अर्धझण्डा झुन्ड्याउने निर्णय गरेको गृह तथा कानुनमन्त्री ओमप्रकाश अर्यालले जानकारी दिए।

उनका अनुसार जेनजी आन्दोलनका क्रममा ज्यान गुमाएका नागरिकलाई ‘शहीद’ घोषणा गरिएको छ। ज्यान गुमाउने व्यक्तिहरूको राष्ट्रिय सम्मानसहित अन्त्येष्टि गरिने सरकारको निर्णय छ।

जेनजी आन्दोलनमा हालसम्म ७२ जनाको मृत्यु भएको छ भने २ हजार ३१६ जना घाइते भएका छन्। देशका विभिन्न अस्पतालमा हाल पनि २८३ जना उपचाररत रहेको मन्त्रालयले जनाएको छ।