नेपाल सरकारले चीनमा कुनै किसिमको सहमति नगरको स्पष्टोक्ति, एमालेका नेता कार्यकर्ताले फैलाए भ्रम

न्यूज ब्यूरो, जनकपुरधाम । सरकारले चीनको ग्लोबल सेक्युरिटी इनिसियटिभ्स ९जीएसआई० मा नेपालले कुनै किसिमको सहमति नगरेको स्पष्टोक्ति दिएको छ ।

चीनको तियान्जिनमा आयोजित शाङ्घाई सहयोग सङ्गठन ९एससीओ० प्लस को शिखर सम्मेलनमा सहभागी हुने सिलसिलामा यही भदौ १४ गते प्रधानमन्त्री केपी शर्मा ओली र चिनियाँ राष्ट्रपति सी जिनपिङबीचको भेटवार्तामा जीएसआईमा ‘नेपालले सहमति जनाएको’ भनेर सार्वजनिक भएका समाचार आधारहीन भएकाले भ्रममा नपर्न सरकारले अनुरोध गरेको छ ।

परराष्ट्र सचिव अमृतबहादुर राईले देशले अङ्गीकार गरेको असंलग्न परराष्ट्र नीतिप्रति सरकार पूर्ण प्रतिबद्ध रहेको भन्दै परराष्ट्र सम्बन्धलगायत संवेदनशील विषयमा वास्तविकता नबुझी टीकाटिप्पणी नगर्न अनुरोध गर्नुभयो ।

प्रधानमन्त्री ओली र राष्ट्रपति सी नेतृत्वको वार्तामा सहभागी परराष्ट्र सचिव राईले ‘ग्लोबल डेभलपमेन्ट इनिसिएटिभ्स’ लगायत द्विपक्षीय, क्षेत्रीय र अन्तर्राष्ट्रिय चासोका विषयमा दुवै नेताबीच छलफल भएको बताउनुभयो ।