.gif){kind=spacer}
न्यूज ब्यूरो, जनकपुरधाम । संघीय मामिला तथा सामान्य प्रशासन मन्त्रालयले देशभरका १२२ जना उपसचिवहरूको सरुवा गर्दै अधिकांशलाई प्रमुख प्रशासकीय अधिकृतको जिम्मेवारी तोकेको छ।
मन्त्रालयको २०८२ साउन १२ गतेको निर्णयअनुसार सरुवा भएका उप सचीवमध्ये ९९ प्रतिशतलाई विभिन्न स्थानीय तहमा प्रमुख प्रशासकीय अधिकृतको जिम्मा दिइएको हो।
-(1).png)
संघीय मामिला तथा सामान्य प्रशासन मन्त्रालयले विभिन्न निकायमा कार्यरत उपसचिवहरूलाई स्थानीय तहको प्रमुख प्रशासकीय अधिकृत बनाई पठाइएको छ ।
बिहीबार गरिएको सरुवामा एक सय २२ जना मध्ये एक सय २१ जनालाई विभिन्न नगरपालिकाहरूको प्रमुख प्रशासकीय अधिकृत बनाई पठाइएको छ ।
धनुषा जिल्लामा मात्रै ७ नगरपालिकामा नि. प्रमुख प्रशासकीय अधिकृतको सरुवा गरिएको छ। त्यसको ठाउँमा उपसचिवलाई पठाएको छ । धनुषाधाम नगरपालिकामा सुनिल कुमार पासमान, शहिदनगर नगरपालिकामा चेतराज बराल, गणेशमान चारनाथ नगरपालिकामा रुद्र प्रसाद न्यौपाने, सबैला नगरपालिकामा कमल प्रसाद पाण्डे, कमला नगरपालिकामा भोला प्रसाद चापागाई, मिथिला विहारी नगरपालिकामा उपेन्द्र न्यौपाने, विदेह नगरपालिकामा दुर्गा प्रसाद भुर्तेल र हंसपुर नगरपालिकामा सोमनाथ गौतमलाई प्रमुख प्रशासकीय अधिकृतको रुपमा पठाइएको छ। त्यस्तै गाउँपालिकामा धनौजी गाउँपालिकामा राजकुमार दास र औरही गाउँपालिकामा सन्तोष कुमार शर्माको सरुवा गरिएको छ।
संघीय मामिला तथा सामान्य प्रशासन मन्त्री भगवती न्यौपानेले यस निर्णयसँगै अब देशभरका गाउँपालिका र नगरपालिका “निमित्त विहीन” भएको घोषणा गरेकी छिन्।
उनले सामाजिक सञ्जालमार्फत जानकारी दिँदै आफूले कार्यभार सम्हाल्दा देशभरका ७५३ स्थानीय तहमध्ये करिब २०० पालिकामा प्रमुख प्रशासकीय अधिकृतहरू केवल “निमित्त”का आधारमा कार्यरत रहेको स्मरण गराउँदै अब ती सबै पालिकामा स्थायी व्यवस्था मिलाइएको बताएकी छिन्।
मन्त्री न्यौपानेले प्रमुख प्रशासकीय अधिकृतको जिम्मेवारी पाएका अधिकृतलाई दक्षता र इमानदारीका साथ काम गर्न आग्रह गर्दै पालिकाका प्रमुख तथा जनप्रतिनिधिलाई प्रमुख प्रशासकीय अधिकृतको क्षमताअनुसार काम गराउन सहयोग गर्न अनुरोध गरेकी छिन्। उनले उपमहानगर र महानगरपालिकालाई पनि क्रमशः “निमित्त विहीन” बनाउने प्रक्रिया अघि बढाइने जानकारी दिएकी छिन्।
कुन हाकिम कुन पालिकामा गए, हेर्नुहोस
Notices-20250829000906420.pdf
Notices-20250829000741647.pdf
जनकपुरधाम उपमहानगरपालिकाले कक्षा ११ मा भर्ना हुन निःशुल्क छात्रबृत्ति दिँदै, आवेदन खुल्ला
- २०८२ भदौ १३ शुक्रबार
न्यूज ब्यूरो, जनकपुरधाम । जनकपुरधाम उपमहानगरपालिकाले कक्षा ११ मा अध्ययन गर्न चाहने विद्यार्थीहरूका लागि निःशुल्क छात्रवृत्ति आवेदन खुला गरेको छ । उपहमानगरको शिक्षा, युवा तथा खेलकुद विकास शाखाले सूचना जारी गर्दै
पूरा पढ्नुहोस्
