ढल्केवर ग्रीडबाट प्रसारण हुने लाईनमा भोलीदेखि ४ घण्टा लोडसेडिँग हुने तालिका

न्यूज ब्यूरो, ११ साउन । देशको ठुलो विद्युतिय ग्रीड लाईन ढल्केवर प्रसारण शाखाबाट प्रसारणमा हुने पश्चिमी फिडरको लाईनमा कटौति गरिने भएको छ ।

नेपाल विद्युत प्राधिकरणको ढल्केवर ग्रीड महाशाखाले एक सूचना जारी गर्दै ग्रीडबाट प्रसारणमा रहेको रौतहटको चन्द्रनिगाहपुर, मौलापूर वितरण केन्द्र र गौर वितरण केन्द्रबाट हुने प्रसारणमा भोली सोमबारदेखि आगामी १७ गतेसम्म बिहान ५ बजेदेखि ९ बजेसम्म लोडसेडिँगको हुने जनाएको छ ।

ढल्केवर शाखाबाट प्रसारणमा रहेको १३२ केभिएको लाईनमा चन्द्रनिगाहपुरतर्फ आईसोलेटर जडान कार्य गर्नुपर्ने भएकोले ५ दिनसम्म दैनिक ४ घण्टा लोडसेडिँग हुने जनाएको छ । १७ गतेदेखि पुनः पूर्वतः लाईन सुचारु रहने जनाइएको छ ।

महाशाखाका अनुसार, सो आईसोलेटर जडानको लागि ३३ के.भि. बस तथा फिडरको सटडाउन आवश्यक रहेको छ ।