मिर्चैया क्षेत्रको शान्ति सुरक्षाका लागि सञ्चारकर्मीसँग छलफल र सुझाव संकलन

न्यूज ब्यूरो |

सिरहा, ३० असार । ईलाका प्रहरी कार्यालय मिर्चैयाले सञ्चारकर्मीहरुसँग शान्ति सुरक्षाका लागि छलफल तथा सुझाव संकलन बिषयक कार्यक्रम शनिबार सम्पन्न गरेको छ ।

कार्यक्रममा ईप्रका मिर्चैयामा प्रहरी नायव उपरीक्षक बनेर आएका दिपेन्द्र शाहले छलफल तथा सुझाव संकलन कार्यक्रममा सञ्चारकर्मीहरुद्वारा राखिएका सल्लाह सुझावलाई नजरअन्दाज गर्दै अपराधिक गतिविधिलाई नियन्त्रण गर्न गम्भीर रहने बताउनुभयो ।

कार्यक्रममा मिर्चैया क्षेत्रको शान्ति सुरक्षाका चुनौती पहिचान, प्रहरीसँग सरोकार राख्ने सबै पक्षको धारणा एवं अपेक्षा, प्रहरी र जनसमुदायका साझा सरोकार र सहकार्यका क्षेत्र पहिचान तथा यस कार्यालयका काम कारबाहीलाई अझ प्रभावकारी बनाउने उपायहरुको पहिचान गर्ने बिषयमा छलफल गरिएको छ ।

सो अवसरमा डिएसपी शाह समक्ष सञ्चारकर्मीहरुले यस क्षेत्रको वर्तमान अवस्था बारे आ-आफ्ना धारणा प्रस्तुत गरेका थिए ।