प्रथम शेर बहादुर देउवा कप कराँतेमा मधेशले जित्यो स्वर्ण पदक

न्यूज ब्यूरो, जनकपुरधाम । प्रथम शेर बहादुर देउवा कप राष्ट्रिय कराँते प्रतियोगितामा मधेशले स्वर्ण पदक जितेको छ ।

मधेश प्रदेशले १ स्वर्ण पदक, १ रजत पदक र २ कास्य पदक जित्न सफल भएको कराँते महासंघ धनुषाका अध्यक्ष वीरेन्द्र कर्णले जनाए ।

कर्णका अनुसार, मधेशबाट सहभागिता जनाएका राकेश मानन्धरले स्वर्ण पदक जित्न सफल भएका छन् । मधेशकै टोलीमा पोर्सिया चौधरी रजत पदक जितिन भने सरोज पासवान र आदित्य कालिकोटेले कास्य पदक जित्न सफल भएका छन् ।

यल कराते सितोरियो डोको आयोजना र प्रदेश खेलकुद विकास परिषद, वागमती प्रदेशद्वार प्रायोजित तीन दिने प्रतियोगितामा पुरूषमा ८६ र महिलामा ७५ गरी कुल १ सय ६१ खेलाडीको सहभागीता रहेको थियो । पुरूषतर्फ १० र महिलातर्फ ९ गरी १९ स्पर्धामा प्रतिस्पर्धा भएको थियो ।