बोलेरो जीपमा करेन्ट लागेर ४ जना जल्यो

न्यूज ब्यूरो, ताप्लेजुँग । ताप्लेजुङमा बोलेरो जिपमा करेन्ट लागेर आगलागी हुँदा ४ जनाको मृत्यु भएको छ ।

पाथीभरा मन्दिरतर्फ जाँदै गरेको मे १ च ३०११ नम्बरको बोलेरो जिप सोमबार बिहान बिजुलीको पोलबाट लत्रिएको तारमा अल्झिँदा गाडीमा आगलागी भएको थियो।

उक्त आगलागीमा परी ४ जनाको मृत्यु भएको छ भने दुई जना घाइते भएका छन् । घाइतेहरूलाई थप उपचारका लागि काठमाडौं ल्याउने तयारी भइरहेको छ ।

मृत्यु हुनेमा ललितपुरकी १६ वर्षीया आध्या आचार्य, झापाको भद्रपुर नगरपालिका-१५ का ७० वर्षीय विनोद पौडेल, उनकी श्रीमती ६९ वर्षीया सरिता पौडेल र गाडी चालक फुङलिङ नगरपालिका-१० निवासी ४२ वर्षीय दुर्गा भट्टराई रहेको प्रहरीले जनाएको छ।

दुर्घटना बारे थप अनुसन्धान भइरहेको प्रहरीले जनाएको छ ।