सिरहाको लहानमा नयाँ डिएसपी रोकाया आउँदै

न्यूज ब्यूरो, सिरहा । ईलाका प्रहरी कार्यालय लहानमा कार्यरत डिएसपी बिष्णु सोतिको सरुवा भएकोछ ।

नियमित सरुवा अनुसार उनलाई गृह मन्त्रालयले सरुवा गरेको हो । ईलाका प्रहरी कार्यालय लहानमा रहँदा कार्य सम्पादन कमजोर पारेको आरोप लागेका डिएसपी सोतीको सरुवा बुधबार भएको हो ।

लहान प्रहरीको नयाँ डिएसपीमा डिएसपी हिरेन्द्र रोकाया आउने भएका छन् । यसअघि ईलाका प्रहरी कार्यालय खजुरीमा ईन्सपेक्टर हुँदा स्थानीय नेतालाई प्रतिबन्ध लगाएका डिएसपी रोकाया उनको कार्यशैलीले चिनिन्छन् ।

ईलाका प्रहरी कार्यालय खजुरीमा ईन्सपेक्टर हुँदा उनले राजनीतिक व्यक्तिहरुलाई प्रहरी कार्यालयमा प्रवेश लगभग शून्य बनाएका थिए । पँचायतको लागि समाजको भद्रभलादमीलाई मात्र आउने तथा स्थानीय भ्रष्ट नेताहरुलाई लिएर नआउने वातावरणको सृजना गरेका थिए । उनी विदेशबाट तालिम प्राप्त अफिसर हुन् ।

प्रहरी कारवाहीको क्रममा तुरुन्त एक्सन लिने प्रहरी कमाण्डरको रुपमा परिचित रोकाया अपराधिक गतिविधि अधिकत हुने लहान ईलाकामा अपराधिक गतिविधि नियन्त्रणमा बेग्लै शैली प्रदर्शन गर्ने उनलाई जान्नेहरुले प्रतिक्रिया दिएका छन् ।