जनकपुरका मेयरको विरोधमा नेविसंघ धनुषाले सडकमै रोप धान

न्यूज ब्यूरो |
जनकपुरधाम, २० असार । जनकपुर उपमहानगरपालिकाको मेयर लाल किशोर साहको विरोधमा जनकपुरको शिवचोकमै धान रोपिएको छ ।

नेपाल विद्यार्थी संघ धनुषाले जनकपुरमा बर्षातपछि भएको हालातको विरोधमा नेविसंघ धनुषाले स्थानीय सरकारको साँकेतिक विरोध गरेका छन् ।

नेविसंघ नगर कमिटिका अध्यक्ष सुमन कुमार ठाकुरको नेतृत्वमा स्थानीय सरकारको साँकेतिक विरोध स्वरुप शिवचोकमै हिलोमा धान रोपिएको हो ।

नेविसंघको दुई दर्जनभन्दा बढी युवाहरुको उपस्थितिमा मेयर साहलाई विरोध गर्दै सडकमै धान रोपेर साँकेतिक विरोध गरिएको नेविसंघ धनुषाका अध्यक्ष सुजित मिश्रले जानकारी दिए ।

नगर भित्रको समस्याहरुको पहिचान र तत्काल समस्या समाधानको लागि यो विरोध साँकेतिक विरोध गरेको नगर अध्यक्ष सुमन ठाकुरले बताए ।

मेयर साह काममा व्यस्त रहेको तथा नगर भित्र मुख्य समस्या सडक र नालाको रहेको तर उनले नजरअन्दाज गरेको आरोप लगाउँदै तत्काल सडकको वैकल्पिक व्यवस्था गर्नुपर्ने माग सहित ध्यानाकर्षण गराइएको हो ।

शिवचोकमा भएको धान रोपनी कार्यक्रममा जिल्ला अध्यक्ष मिश्र सहित, नगर समितिका उपसभापति रवि शर्मा, माया कुमारी, सलिम सफी, परवेज आलम, राजीव मंडल, सौहेल राईन, राजेश साह लगायतका उपस्थिति रहेको थियो ।