राजा ल्याउन जनविद्रोह घोषणा सभा गर्दैछौ: हिन्दु सम्राट नेपाल

न्यूज ब्यूरो, जनकपुरधाम । हिन्दु सम्राट सेनाको नामले परिचित हिन्दु सम्राट नेपालले देशमा राजतन्त्र ल्याउन जनविद्रोहको घोषणा गर्न लागेको बताएका छन् ।

हिन्दु सम्राट सेना केन्द्रीय कार्यालय काठमान्डौँले काठमान्डौँको तिनकुनेमा आउँदो चैत्त १५ गते काठमान्डौँको तिनकुने पार्कमा जनविद्रोह सभाको घोषणा गर्ने जनाएको छ ।

हिन्दु सम्राट नेपालका अध्यक्ष राजेश यादवका अनुसार, वर्तमान गणतन्त्रले राष्ट्रलाई धर्म निरपेक्ष राष्ट्र बनाउँदाका क्षति सर्वविदितै रहेकोले राजालाई गद्दीमा बसाएर नेपाललाई हिन्दु राष्ट्र बनाउन जनविद्रोह सभाको घोषणा गर्ने बताए ।

चैत्त १५ गते राप्रपा नेपालले समेत देशव्यापी रुपमा हिन्दु राष्ट्रको पक्षमा कार्यक्रमहरु गर्ने तयारी गरेको हो । हिन्दुवादी संगठनहरुले राजा ल्याउने पक्षमा रैली गर्ने भएको छ ।