कृषि विश्वविद्यालयका उपकुलपति र रजिष्टार बर्खास्तमा अदालतको कारण देखाउ आदेश

न्यूज ब्यूरो, जनकपुरधाम । मधेश कृषि विश्वविद्यालयका तत्कालिन उपकुलपति र रजिष्टार बर्खास्तको कारण देखाउन मधेश सरकारलाई अदालतले आदेश दिएको छ ।

मधेश सरकारले मधेश कृषि विश्वविद्यालयका उपकुलपति डा. महादेव महतो र रजिष्ट्रार डा. भगवान ठाकुरलाई बर्खास्त गरेपछि दुवै जना सर्वोच्च अदालतमा उत्प्रेषणको मुद्दा दिएका थिए ।

बिश्वबिद्यालयका उपकुलपति र रजिष्टारलाई बर्खास्त गरिएको विरुद्धमा सर्वोच्च अदालतमा दायर गरिएको रिटमाथि सुनुवाई गर्दै मधेश प्रदेश शिक्षा मन्त्रालय र निति तथा योजना आयोग सहित दुबैलाई विपक्षी बनाई अल्पकालीन कारण देखाउ आन्तरिक आदेश जारी गरेका छन्।

मधेश सरकारको तर्फबाट डा. बैद्यनाथ महतो, शिक्षा मन्त्रालयसहित १३ जनालाई विपक्षी बनाएर उपकुलपति महतो र रजिष्टार ठाकुरले रिट दायर गरेका थिए ।