मिर्चैयामा ट्रकको ठक्करबाट एक युवकको घटनास्थलमै मृत्यू

न्यूज ब्यूरो |

सिरहा, १७ असार । ट्रकको ठक्करबाट सिरहामा एकजना युवकको घटनास्थलमै ज्यान गएको छ । पूर्वपश्चिम राजमार्गअन्तर्गत् सिरहाको मिर्चैया नगरपालिका–२ जिवा खोला नजिक राजमार्गमा आज (आइतबार) दिउँसो करिब ४ बजे ट्रकले साईकल यात्रु एक यूवकको ठक्कर दिएर ज्यान लिएको हो ।

पूर्वबाट पश्चिमतर्फ जाँदै गरेको ग १ ख ७४५१ नम्बरको ट्रकले विपरीत दिशाबाट आउँदै गरेको साइकललाई ठक्कर दिएपछि करिब २५ वर्षीय साइकल चालकको घटनास्थलमै मृत्यू भएको र मृतकको पहिचान खुल्न नसकेको ईलाका प्रहरी कार्यालय मिर्चैयाका डिएसपी दिपक कुमार खड्काले बताउनुभयो ।

यता, ठक्कर दिने ट्रक र चालक ईप्रका मिर्चैयाको नियन्त्रणमा रहेको डिएसपी खड्काले जानकारी दिए ।