लोसपाको नगर सचिवमा चुनिए युवा नेता प्रशान्त झा

न्यूज ब्यूरो, जनकपुरधाम । लोकतान्त्रिक समाजवादी पार्टी (लोसपा) को नगर सचिवमा युवा नेता प्रशान्त झा चयन भएका छन् ।

पार्टी स्थापनाकालदेखि नै महन्थ ठाकुरसँग आवद्ध रहँदै आएका युवा नेता लोसपाको जनकपुरधाम नगर सचिवको जिम्मेवारी पाएका छन् । महन्थ ठाकुरको तत्कालिन पार्टीमा समेत आवद्ध रहँदै आएका झाले नगर सचिवको जिम्मेवारी पाउन सफल भएका छन् ।

यस अघिको राराब स्ववियूको निर्वाचनमा लोकप्रिय मतका साथै निकटतम बनेका विद्यार्थी नेता समेत रहेका प्रशान्त जनकपुरधामको समाजिक र राजनितिक गितिविधीमा सक्रिय युवाका रुपमा परिचित छन् । उनको कहिले एमाले त कहिले अर्को पार्टीमा जान सक्ने चर्चा थियो ।

लामो समयदेखि पार्टीमा समय व्यतित गरेका युवा नेता झाले पार्टीमा अवसर नपाएको भन्दै अन्य दल ज्वान गर्ने चर्चा चलेको बेला सचिवको जिम्मेवारी दिएको हो ।