हँसपुर नगरपालिकाको थप जिम्मेवारीमा लेखा अधिकृत महतो

न्यूज ब्यूरो, जनकपुरधाम । धनुषाको कमला नगरपालिकाका लेखा अधिकृत सँजीव कुमार महतो हँसपुर नगरपालिकाको थप जिम्मेवारी पाएका छन् ।

सोमबार नगर प्रमुख प्रदीप कुमार यादव र उपमेयर दुर्गा देवी मण्डलसहित ९ वटै वडाका वडाध्यक्षको रोहबरमा लेखा अधिकृत सँजीव कुमार महतोले थप जिम्मेवारी सम्हालेका छन् ।

प्रमुख प्रशासकीय अधिकृत सर्वजीत झाले लेखा अधिकृत महतोलाई हँसपुर नगरपालिकामा जिम्मेवारी तोकेका छन् ।

कमला नगरपालिकामा सौहार्द कार्य सम्पादन गरिरहेका लेखा अधिकृत महतोले अब हँसपुर नगरपालिकाको आर्थिक कारोबार समेत सम्हाल्ने भएका छन् ।

न्यून बेरुजूमा कार्य गर्दै आएका लेखा अधिकृत महतोले हँसपुरमा विकास, समृद्धि र सुशासन तथा न्यून बेरुजू बनाउनको लागि हँसपुर नगरपालिकाको अनुरोधमा मुख्यमन्त्री तथा मन्त्रीपरिषद्को कार्यालयले उनलाई जिम्मेवारी तोकेको हो ।

नगर प्रमुख, उपप्रमुखसहित वडाध्यक्षहरुको रोहबरमा उनले हँसपुरको जिम्मेवारी सम्होलका हुन् । लेखा अधिकृत महतो कुशल कर्मचारीको रुपमा चिनिएका छन् । लेखा अधिकृत महतो लेखा समूह धनुषा जिल्लाको उपाध्यक्ष समेत रहेका छन् ।