धनुषाधाम नगरपालिका मधेशको पहिलो विद्युत चुहावट मुक्त नगरपालिका घोषणा

न्यूज ब्यूरो, जनकपुरधाम । धनुषाको धनुषाधाम नगरपालिका मधेश प्रदेशमै विद्युत चुहाबट मुक्त पालिकाको रुपमा रेकर्ड बनाउन सफल भएको छ ।

नगरपालिकाको आयोजन तथा नेपाल विधुत प्राधिकरण धनुषाधाम वितरण केन्द्रको संयोजनमा धनुषाधाम नगरपालिका विधुत चुहावता मुक्त नगरपालिका घोषणा गरिएको हो ।

सोही कार्यक्रमको बीच धनुषाधाम नगरपालिकाभित्रका गरिब विपन्न परिवारहरुलाई विधुत मिटर समेत प्रदान गरिएको थियो ।

कार्यक्रममा प्रमुख अतिथि नेपाल विधुत प्राधिकरणका कार्यकारी निर्देक कुलमान घिसिङ्ग विशिष्ठ अतिथि शम्भू कुशयैत यादव धनुषाधाम नगरपालिकाका उप प्रमुख विद्या देवी भुजेल अतिथिहरु धनुषाधाम नगरपालिका प्रमुख प्रशासकीय अधिकृत संजित दास वडा अध्यक्ष सुनिल कापर , लक्ष्मी साह , जयनारायण यादव, मनोज कुमार यादब, ईन्द्र कुमार महतो, ऋषिकेश लामा , हेम नारायण यादब , कपिल बहादुर बस्नेत, सुरज कुमार लामा , नेपाल विद्युत प्राधिकरण धनुषाधाम वितरण केन्द्र पुर्ब वितरण केन्द्र प्रमुख ओम प्रकाश महतो लगायतले सहभागीता जनाएका थिए ।

कार्यक्रममा वोल्दै नेपाल विधुत प्राधिकरणका कार्यकारी निर्देशक कुलमान घिसिङ्गले उज्यालो नेपाल अभियाण अन्र्तगत प्रत्येक घरमा विजुली पुरयाउनु रहेको बताए ।

“विद्युत उत्पादन हिमाल र पहाडमा हुन्छ र बढी खपत तराईमा हुन्छ यसले नेपालका सम्पुर्ण भुभागलाई जोड्न मदत गरेको छ । नेपालको नागरिकलाई विद्युत उपभोग गर्न दिनु पर्छ । निर्यात भनेको नेपालमा उपयोग गरेर बाकी गरिने हो । एक जना पनि विद्युत बिना अध्यारो बस्नु हुदैन । हामी यस पालि करिब ४० अर्व रुपैया मधेश प्रदेशमा विनियोजित गरेका छौ । जनकपुरधामका लागि तारहरु भूमिगत गर्नको लागि समेत बजेट विनियोजन गरेका छौ ।”– उनले भने ।

प्रमुख अतिथि घिसिङ्गले कुनै समस्य भए वितरण केन्द्रमा गएर गुनासो गर्न सुझाव दिँदै उनले आफ्नो व्यक्तिगत मोबाइल नम्बर समेत दिएका थिए ।

कार्यक्रममा आयोजकको तर्फबाट धनुषाधाम नगरपालिकाका नगर प्रमुख बालेश्वर मण्डलले ग्राहकहरुको लागि विधुत महशुलमा लाग्ने जरिवाना कम गरिदिनको लागि आग्रह गरेका थिए ।

प्रत्येक घर घरमा ईन्डकसन चुलो विरण गर्न समेत आग्रह गरेका थिए । वाडा अध्यक्षहरु कृषि विधुतीकरणमा बजेट विनियोजन गर्नको लागि माग गरेका थिए ।

कार्यक्रमको संचालन धनुषाधाम वितरण केन्द्रका प्रमुख रोशन सिंहले गरेका थिए । अध्यक्षता धनुषाधाम नगरपालिकाको नगर प्रमुख मण्डल गरेका थिए ।