अपहरणमा परेका बालकलाई २४ घण्टाभित्रै उद्धार, तीन अपहरणकारी पक्राउ

न्यूज ब्यूरो, सर्लाही । सर्लाहीमा बालक अपरणकारीलाई प्रहरीले पक्राउ गरेको छ । एक १५ बर्षिय बालकलाई अहपरण गरेका तीन भारतीय नागरिकलाई पक्राउ गरेको हो ।

आईतबार करिब १ः०० बजेको समयमा एक भारतीय बालकलाई अपहरण गरी राखेको सूचना प्राप्त भएसँगै खटेका प्रहरी टोलीले बालकलाई अहपरणमुक्त गराएको हो ।

जिल्ला प्रहरी कार्यालय सर्लाहीबाट खटेको टोलीले सर्लाहीको ब्रम्हपुरी गाउँपालिका वडा नम्बर ४ स्थित रामजी साह बस्ने गरेको घरकोठामा बन्धक बनाई राखेका बालकलाई सकुशल उद्वार गरिएको जनाएको छ ।

अपहरणकर्ताहरुको साथबाट हातहतियार समेत बरामद भएको सर्लाही प्रहरीले जनाएको छ । पक्राउ पर्नेमा सर्लाहीको ब्रम्हपुरी गाउँपालिका वडा नं. ४ बस्ने गिरिज साहको छोरा बर्ष ६८ का रामजी साह, सोही ठाउँ बस्ने बर्ष १९ को विक्रम पासवान र भारत बिहार राज्यको सितामढी बस्ने रामपुरका साहको छोरा बर्ष २७ को प्रवचन साह रहेका छन् ।

उनीहरुमाथि अपहरण, शरिरबन्धक, हातहतियार खरखजाना मुद्दामा अनुसन्धान गरिरहेको छ ।