धनुषाको गणेशमानचारनाथ नगरपालिकभित्रको स्कूलहरु भोलीदेखि माघ २ गतेसम्म बन्द

न्यूज ब्यूरो, जनकपुरधाम । धनुषाको गणेशमान चारनाथ नगरपालिका अन्तर्गतका विद्यालयहरु भोलीदेखि विदा हुने भएको छ ।

तराई मधेशमा शितलहर बढेसँगै वार्षिक रुपमा दिँदै आएको जाडो विदा अन्तर्गत नगरपालिकाले भोली सोमबारदेखि आउँदो माघ २ गतेसम्मको लागि विदा दिने निर्णय गरेको हो ।

नगरपालिकाका प्रमुख प्रशासकीय अधिकृत रँजित कुमार यादवले आईतबार एक सूचना जारी गर्दै भोली सोमबारदेखि माघ २ गतेसम्म समुदायिक तथा सँस्थागत विद्यालयहरु बन्द रहने जनाएको छ ।

अत्यधिक चिसो बढेपछि बालिकाहरुको स्वास्थ्यमा पर्न सक्ने असरलाई मध्यनजर गर्दै अधिकृत यादवले जनप्रतिनीधिहरुको समन्वयमा विदा दिएका हुन् । माघ ३ गते विहिबारदेखि पुनः विद्यालय सँचालन हुने जनाईएको छ ।