धनुषामा नेपाली काँग्रेस र एमालेका पत्रकारको तालमेल, अध्यक्षमा काँग्रेसका गुप्ताको उम्मेदवारी

न्यूज ब्यूरो, जनकपुरधाम । नेपाल पत्रकार महासँघ धनुषा शाखाको चुनावको लागि नेपाली काँग्रेस निकट र एमाले निकट पत्रकार सँगठनको प्यानलबाट पुरन गुप्ता अध्यक्षमा उम्मेदवारी दिएका छन् ।

तत्कालिन राष्ट्रिय जनता पार्टी (राजपा) हुँदै एमालेमा गएका पत्रकार गुप्ता चुनावको केही महिना अगाडी नेपाली काँग्रेस निकट प्रेस युनियनमा प्रवेश गरेका थिए । धनुषा जिल्ला कार्य समितिको लागि उनी अध्यक्षमा उम्मेदवारी दिएका छन् ।

गुप्ता एमाले निकट प्रेस चौतारी र नेपाली काँग्रेस निकट नेपाल प्रेस युनियनबाट साँझा उम्मेदवार हुन् । यसअघि नेकपा एमाले निकट प्रेस चौतारीबाट अवधेश कामत समेत अध्यक्ष पदमा उम्मेदवारी दिने चर्चा चलेपनि उनी ब्याक भएका छन् ।

नेपाल पत्रकार महासँघ धनुषा शाखामा उम्मेदवारहरु राजनीतिक पार्टीका प्रेस संगठनका रहेका छन् । पत्रकार स्वतन्त्र हुन्छन भन्ने मान्यतालाई अहिलेका विभिन्न दल नजिकका कथित पत्रकारहरुले मान्यतालाई किचिदै पत्रकारिताभन्दा पार्टीकारिता गर्दै आएका छन् ।

एमाले र काँग्रेस निकट पत्रकारहरुको सामुहिक फोटो