जनकपुरको अवस्था सुधारको लागि अग्रसर भएका हौँ : युवा नेता यादव

न्यूज ब्यूरो |
जनकपुरधाम, १२ असार । मधेस क्रान्ती फोरम धनुषाका सँयोजक एवम युवा नेता नविन यादवले जनकपुर सुधारको लागि अग्रसर भएको बताएका छन् ।

उनले जनकपुर उपमहानगरपालिकालाई विरोध नगरेर नगरपालिकाको काम कारवाहीप्रति असन्तुष्टता जनाउँदै स्वच्छ काम कारवाहीको लागि सँघर्ष गरेको बताएका छन् ।

"हामीले जनकपुर उपमहानगरपालिका जनकपुरलार्इ बिरोध गर्न गैरहेका होइनौ, न कुनै व्यक्ति, कर्मचारी न मेयर लार्इ नै टारगेट गरेर बिरोध गर्न लगेका हौं । हामीले गरिरहेको संघर्ष काम कारवाही भनेको जनकपुर उपमहानगरपालिकाको अवस्था सुधारको निम्ती हो।" उनले जारी गरेको डिजिटल प्रेस विज्ञप्तिमा उल्लेख छ ।

नगर भित्र हुने गरेको लापारवाही र अव्यवस्थाका जिम्मेवार केहि ईन्जिनियर र ओवेर्सियरले गर्ने गरेको भन्दै उनीहरुले आफ्नो व्यक्तिगत व्यापारको प्रयोजन जस्तै व्यवहार तथा कार्य गरेको भन्दै विरोध गरेको बताएका छन् ।

उनले यस्ता विकास विरोधी कार्यविधिलाई विगतदेखि नै विरोध गर्दै आएको भन्दै सार्वजनिक चासोको विषयमा आवाज उठाउने बताए ।