मधेशमा दुई दिन सार्वजनिक विदाको घोषणा

न्यूज ब्यूरो, जनकपुरधाम । मधेश सरकारले मधेश प्रदेशभरि दुई दिन सार्वजनिक विदाको घोषणा गरेको छ ।

जनकपुरधामस्थित लाग्ने विवाहपँचमीको अवसरमा प्रत्येक बर्ष मधेश सरकारले सार्वजनिक विदा दिँदै आएका छन् । यसपाली पँचवर्षीय गढीमाई मेलाको अवसरमा समेत विदा थपेको हो ।

मधेश सरकारले शुक्रबार विवाहपँचमीमा विदा दिने भएको छ भने आईतबार मँसिर २३ गते गढीमाई मेलाको अवसरमा विदा दिने निर्णय गरेको हो ।

मधेश प्रदेशको बारा जिल्लास्थित रहेको प्रसिद्ध शक्तिपीठ गढिमाई मन्दिरमा प्रत्येक पाँच बर्षमा विशाल मेला लाग्दै आएको छ । जहाँ देशविदेशबाट मेला भर्न विवाहपँचमीझै लाखौँको सँख्यामा श्रद्धालुहरु आउने गरेका छन् ।

पर्यटन र पर्यटकीय दृष्टिकोणले गढीमाई मेलाको अवसरमा मधेश सरकारले २३ गते पनि विदा दिने निर्णय गरेको हो ।