धनुषाधाम वडा नं. १ को वडाध्यक्षको लागि मतदान सम्पन्न, ७ बजेदेखि मतगणना सुरु हुने

न्यूज ब्यूरो, जनकपुरधाम । धनुषाको धनुषाधाम नगरपालिका वडा नम्बर १ को लागि मतदान प्रक्रिया सम्पन्न भएको छ । वडाध्यक्षको निधन भएपछि निर्वाचन आयोगले धनुषाधाम नगरपालिका वडा नम्बर १ को लागि उपनिर्वाचन गराएको हो ।

साँझ ५ बजेसम्म कुल मतदाता २ हजार २ सय ९८ मतदाता रहेकोमा २ हजार ७८ मतदान भएको हो । मतदान सम्पन्न भएपछि सर्वदलिय बैठक बस्ने तयारी गरिएको हो ।

सर्वदलिय बैठक बसेपछि मतगणना सुरु हुने जनाइएको छ । बेलुकी ७ बजेदेखि नै मतगणना सुरु हुने निर्वाचन अधिकृतको कार्यालयले जनाएको छ ।

यसअघि नेपाली काँग्रेसबाट निर्वाचित वडाध्यक्षको निधन भएपछि उपनिर्वाचन गराएको हो । सो वडामा नेपाली काँग्रेसको पक्कड बलियो रहेको छ ।