जनकपुर बोल्टसको लोगो नसच्याए उच्च अदालतमा रिट हाल्छौँः हिन्दु सम्राट

न्यूज ब्यूरो, जनकपुरधाम । हिन्दुवादी संगठन दाबी गर्ने हिन्दु सम्राटका अध्यक्ष राजेश यादवले एनपिएलमा सहभागीता जनाएको जनकपुर बोल्टस टिमले लोगो नसच्याए उच्च अदालतमा रिट हाल्ने चेतावनी दिएको छ ।

हिन्दु सम्राट सेनाका अध्यक्ष यादवले जनकपुर बोल्टसको लोगोमा जानकी मन्दिरको डिजाइन बिगारेको भन्दै विश्वप्रसिद्ध सम्पदासँग षडयन्त्रपूर्वक मजाक सहय नहुने बताए ।

सोमबारदेखि नै समाजिक सँजालमा जनकपुर बोल्टसको प्रोमो गीत सार्वजनिक भएपछि भिडियोमा पटक पटक मात्र मुस्लिम समुदायलाई देखाएकोप्रति आक्रोस पोख्दै उनले लोगोमा समेत विश्व सम्पदालाई होच्याउन खोजेको आरोप लगाए ।

उनले टीमका व्यवस्थापक पक्षले विहिबारसम्म लोगो सच्याउने निर्णय नगरे रिट दायरको तयारी गरिएको बताए । जनकपुर बोल्टसको लोगोमा जानकी मन्दिरको चित्रलाई होच्याइएको पाइएको छ ।