विद्यालय बन्द नगरौँ, वार्ताबाट समस्या समाधान गरौँः जनकपुर उपमहानगरपालिका

न्यूज ब्यूरो, जनकपुरधाम । जनकपुरधाम उपमहानगरपालिकाले नगरभित्र सँचालनमा रहेको प्राईभेट विद्यालय तथा कलेजलाई बन्द नगरी वार्ता गर्न अनुरोध गरेको छ ।

जनकपुरधाम उपमहानगरपालिकाका मेयर मनोज साह भारतको अयोध्यामा भएको बेला प्रमुख प्रशासकीय अधिकृतले जारी गरेको विज्ञप्तिमा विद्यालय शान्ती क्षेत्र भएकोले बन्द नगरी वार्तामा आउन अपिल गरेको हो ।

छात्रवृतिको सन्दर्भमा उपमहानगरले गरेको निर्णयको विरुद्धमा जनकपुरका प्याबसन, एनप्याबसन, हिसान लगायतका संगठनले निर्णयको विरुद्धमा जनकपुरभित्र सँचालनमा रहेको स्कूल कलेजहरु बन्द गरी आन्दोलन गरिरहेको छ ।

उपमहानगरपालिकाले विद्यालय निर्वाध रुपमा सँचालन गरी वार्तामा आउन आग्रह गरेको हो । आजदेखि जनकपुरका विद्यालयहरु अनिश्चितकालको लागि बन्द गरिएको छ ।